Te, Joseph, celebrent agmina caelitum
Te cuncti resonent christiadum chori
Qui clarus meritis junctus et inclytae
Casto foedere Virgini.
Almo cum tumidam germine conjugem
admirans dubio tangeris anxius,
afflatu superi flaminis angelus
conceptum puerum docet.
Tu natum Dominum stringis ad dexteras,
Aegipti profugum tu sequeris plagas:
amissum Solymis qaeris et invenis,
miscens gaudia fletibus.
Post mortem reliquos sors pia consecrat,
Palmanque emeritos gloria suscipit:
Tu vivens, superis par, frueris Deo
Mira sorte beatior.
Nobis Summa Trias parce precantibus:
da Joseph meritis sidera scandere,
ut tandem liceat nos tibi perpetim,
gratum promere canticum. Amen.
Sem comentários:
Enviar um comentário
Nota: só um membro deste blogue pode publicar um comentário.